Furlan

BUIE

“Museu de art de medaie e de citât di Buie”

Buie, patrie di cetancj mestris di medaie, tant che Pietro Giampaoli e Guerrino Mattia Monassi (par un grum di agns prins incisôrs intal Coni dal Stât), e à metût adun une vore di mostris e di esposizions par valorizâ i siei incisôrs e lis lôr oparis di art, comprindût un origjinâl museu.
La struture espositive, logade te frazion centrâl di Sant Stiefin, e je dividude in trê sezions distintis: la prime dedicade ai innomenâts “mestris buiês”, la seconde al teme dal “taramot te medaie” (con plui di 90 oparis  esponudis) e la tierce, propit didatiche, clamade “cemût che e nas une medaie”, che e mostre ducj i passaçs tradizionâi che a coventin par bati une medaie.

“Museu de art de medaie e de citât di Buie”
Borc di San Lurinç - Buie
0432 960963, 0432 960151 (Municipi)
Jentrade gratuite
Orari di Invier:
sabide e domenie 15.00/18
di Istât: sabide e domenie 10.00/12.00 e 16.00/18.00

Par visitis di grups, scuelis e su apontament ancje vie pe setemane: Tel 0432 960151/+39 0432 960963


--------------------------------------------------------------------------------

FEAGNE - MUSEU DE VITE CONTADINE "CJASE COCÈL”

Inte vecje cjase rurâl de famee Chiarvesio (Cocèl al è il sorenon dal ultin proprietari) al è stât realizât un interessant Museu Laboratori che al presente lis condizions di vite des fameis contadinis furlanis inte prime metât dal secul passât.

De ricostruzion dai ambients internis de cjase e des sôs funzions produtivis a dan cont altris spazis espositîfs che a ilustrin il contest economic e sociâl li che e lavorave la aziende contadine. Cheste rassegne, concepide in mût dinamic e coinvolzent, e permet di fâ un “viaç” fassinant indaûr tal timp, imparant a cognossi ancje aspiets origjinâi de storie di Feagne, come l’impuartant rûl vût de Scuele di Puntine nassude ae fin dal XIX secul.

Museu de vite contadine “Cjase Cocèl”
Vie Lisignana, 40 – Feagne
Tel. 0432 801887
Fax 0432 802599
E-mail: cultura@comune.fagagna.ud.it
Viert la domenie dopomisdì, di Avrîl a Novembar
Orari: Istât 15.30/19.00 –Vierte e Sierade: 14.30/18.00
Jentrade: intîr 2,50 Euros, ridots (scuelis e over 65) 1,50 Euros, grups 2,00 Euros
Visitis scolastichis e grups su prenotazion.


--------------------------------------------------------------------------------

To top

FORGJARIE - ANTIQUARIUM "I SEGRETS DAL ÇUC SCJARAMONT"

La Mostre permanente dal Çuc Scjaramont e je logade fintremai dal 1990 intal Palaç Comunâl di Forgjarie li che al è esponût materiâl archeologjic, cjatât intal Cuel Çuc Scjaramont che al è deventât Parc Archeologjic, riferît a un periodi comprendût jenfri il IV secul prin di Crist e il XIV secul, cuant che il Cjistiel al fo distrut.

Antiquarium "I segrets dal Çuc Scharamont"
Place Tre Martiri, 4
Forgaria nel Friuli
Tel. 0427 808042 / fax 0427 808136
e-mail: protocollo@com-forgaria-nel-friuli.regione.fvg.it
Jentrade libare (comprendude la visite al Parc Archeologjic)
Viert di lunis a sabide : 8.00/12.00 e miercus 15.00/18.00

CJASE DE MANUALITÂT RURÂL “ZEIS E RISTIEI”
Intai locâi restaurâts e slargjâts de ex latarie sociâl turnarie di Curnin a son stâts esponûts ristiei e zeis, imprescj e cossis, documents, testemoneancis, ogjets relatîfs ae manualitât rurâl, in particolâr aes dôs ativitâts plui difondudis inte zone fintremai a pôcs decenis indaûr: fâ ristiei e lavorâ il venc, fâ cossis e zeis.
In gracie de disponibilitât di cetancj borghesans, che cualchidun al è par passion ancjemò cultôr atîf di chei mistîrs, a son stadis realizadis lis fais di produzion di un zei in venc e dal ristiel. A son esponudis anche altris ogjets dal vivi in cjase e dai contadins, di un passât che al somee lontan.
Inte Cjase de Manualitât Rurâl al è pussibil tornâ indaûr tal timp, imparâ storiis di feminis e oms, cognossi lis lôr fadiis par frontâ la vite di ogni dì ma ancje sentiments e ricuarts, che cetancj ogjets a son leâts. Si cognossarà ancje la evoluzion de imprese artesane dai ristiei.

Cjase de Manualitât Rurâl "Zeis e Ristiei"
Vie Mures 4 - Curnìn
Tel. 0427 809091 (ufici turistic) 0427 808042 (comun)

Jentrade libare
Viert sabide/domenie 9.30/13.30
Visitis in altris oraris daûr domande.


--------------------------------------------------------------------------------

To top

MAIAN

PINACOTECHE MAIANESE

Intal Spazi di Art “Ciro di Pers”, restaurât di resint, e cjate sede la Pinacoteche di Maian, risultât des dantis iniziativis realizadis intai ultins trente agns de Associazion Pro Majano e dal Comun.
Tra lis tantis e prestigjosis firmis, chest patrimoni al comprent cetancj nons storics plui impuartans a nivel regjonâl come Fred Pittino, Mario Zilli e Luigi Martinis, dome par nomenâ cualchidun.
Ricje e je ancje la schirie di zovins artiscj locâi che a àn esponût a Maian.
Lant fûr dai confins de Piçule Patrie si discuvierç che ancje Alberto Ziveri, citadin onorari di Maian, Michele Cascella, Renato Guttuso, Salvador Dalì e Sebastian Matta a àn lassât testemoneance vive dal lôr rapuart cun Maian, che duncje al pues svantâ une colezion invidiabile.
Difûr la esposizion e continue intai zardins di Place Italie: di fat, plaçadis sot dai grancj pins che a dominin il parc e dilunc de stradute che puarte inte Biblioteche Comunâl, il visitadôr al pues cjatâ lis sculturis di Pablo Garelli, Alessandro Canu e Alfredo Pecile, realizadis in ocasion dal prin Simposi di crep inmaneât de Associazion Pro Majano.

Pinacoteche Maianese
Visitis dome su apontament
Par informazions indreçâsi ae Segretarie dal Comun: 0432 948455.


--------------------------------------------------------------------------------

To top

MURÙS

SPAZI BRAZZÀ DI BREÇÀ

Il spazi Brazzà al comprent i doi museus “Pietro di Brazzà Savorgnan” e chel artistic “Stepan Zavrel”.

Museu Storic “Pietro Di Brazzà Savorgnan”
Il museu, privât, al ricuarde la vite e la opare dal esploradôr Pietro di Brazzà (1852-1905), fondadôr di Brazzaville in Congo, e lis impresis dai soi familiârs e dissendents.

Museu Artistic “Stepan Zavrel”
Il museu al celebre il Mestri di art de Boemie Stepan Zavrel (1932-1999), cosmopolite e “viazadôr incjantât”, che al à ispirât e animât il rinovament de ilustrazion pe infanzie europee promovint la culture de imagjin e dal libri ilustrât. Intal museu a son esponudis, intun itinerari storic e didatic, plui di dusinte oparis che a documentin un straordenari percors etic di siums e di poesie.

Spazi Brazzà
Vie dal Cjistiel, 15 – Murùs
Tel. 345 39 11 907
info@castellodibrazza.com

Jentrade a paiament

Vierzidure su domande


--------------------------------------------------------------------------------

To top

OSÔF

IL FUART DI OSÔF

Il cuel di Osôf al ospite di fat un museu archeologjic a viert che al racuei putropis testemoneancis di diviersis epochis, che si puedin visitâ facilementri. Si tace de strade napoleoniche, passant sot la puarte austriache, lant indenant dilunc dal bastion venit; duncje la Glesie di San Pieri, mai completade, li che a son conservâts i rescj archeologjics de plêf origjinâl.

Si va indenant duncje ae scuvierte des oparis fortificadis, dai cjaminaments e dai roncs fintremai aes olmis fossilis di mamifars de Ete Cenozoiche.

Tel. 0432 899311 / fax 0432 975718
Jentrade libare


--------------------------------------------------------------------------------

To top

RUVIGNE

MUSEU CIVIC ARCHEOLOGJIC-NATURALISTIC "ANTONIO CERUTTI"

Intal rinovât Centri Cultural di San Jacum e à cjatât la definitive colocazion la sede dal piçul Musei Civic di Ruvigne, significative testemoneanche dal amôr pe storie locâl.
La sezion “naturalistiche” si dediche ae gjenesi dal anfiteatri morenic e a vegnin cjapâts in considerazion diviers aspiets: des formazions gjeologjichis ae descrizion dai ecosistemis presints intal teritori, ilustrâts par mieç di panei didatics, ricostruzions di habitat e dioramis.

Museu Civic archeologjic-naturalistic
Vie Rome, 23 – Ruvigne
tel. 0432 943434 – 957255
e-mail: cultura@com-ragogna.regione.fvg.it

Jentrade libare
Orari: martars e joibe 15.30/18.00
Visitis guidadis su prenotazion Euros 2,00


MUSEU DE GRANDE VUERE
La sale museâl dedicate ai events de Grande Vuere intal Friûl Culinâr e je a San Jacum di Ruvigne, inte ex scuele elementâr “Romeo Battistig”, cumò Centri Culturâl e Biblioteche Civiche. E ufris un percors didatic esaustîf che al descrîf i fats belics de Grande Vuere sucedûts intal teritori ator Ruvigne, Sant Denêl e Forgjarie. Il progjet di fortificazion di prin de vuere, i prins agns dal conflit, lis bataiis de Ritirade di Cjaurêt, la difese dal Mont di Ruvigne e la Sfonderade di Curnin, l’an de ocupazion, il cjamp trincerât Imperiâl-Reâl, la ricostruzion, il recupar de memorie a son cualchidune des tematichis esponudis intai tancj panei, furnîs di imagjins storichis e atuâls, la plui part ineditis.
Il materiâl ilustratîf al è compagnât di une ben disponude colezion di ogjetistiche di chel timp, formade cui reperts pal plui cjatâts sui cjamps di bataie: e ufrìs la sugjestion dade dal toc riscuviert dopo novante agns che nol vigneve doprât e ancje une idee gjenerâl des dotazions dai militârs dai esercits che a combatevin sul front talian-austriac.
Cun di plui la sale museâl e dispon di un grant plastic in rilêf (3 x 2 metris) che al ripuarte in maniere fedêl la morfologjie dal teatri operatîf de Bataie dal Mont di Ruvigne e de Sfonderade di Curnin.
Sul plastic a son segnadis lis posizions fortificadis, lis liniis trinceradis, lis viis di provision, lis formazions dai doi esercits ai 31 di Otubar dal 1917 e altris detais essenziâi pe comprension dai avigniments belics che a interessarin chescj lûcs.
L’interni dal museu al è integrât di une sale multimediâl, furnide di ordenadors colegâts in rêt, notebook, proietôr digjitâl, proietôr diapositivis, proietôr lucits, maxi schermi, scufis insonorizaids e vie indenant. Lis dotazions e la capience dal locâl a permetin di doprâ la sale multimediâl par cunvignis, seminaris, presentazions, proiezions di diviers gjenars e iniziativis similârs.
Il complès museâl e multimediâl al è caraterizât di une impronte multi-linguistiche (talian/todesc), inte otiche di fruizion transfrontalîre dal progjet INTERREG III/A “I lûcs de Grande Vuere/Die Ortschaften des Ersten Weltkrieges”.

Museu de Grande Vuere
Vie Rome, 23 – Ruvigne
Informazions: Comun di Ruvigne - tel. 0432 957255
o pûr www.grandeguerra-ragogna.it


--------------------------------------------------------------------------------

To top

RIVIS DARCJAN

FUART CUEL RONCON
Il Fuart in localitât Cuel Roncon al faseve part de linee difensive dal Tiliment Medi; dopo il trasferiment di proprietât dal demani militâr al Comun di Rivis Darcjan il sît al è stât recuperât e trasformât in Museu Fuartece Tiliment.
Fat sù tra il 1911 e il 1912 al è stât base di diviersis esercitazions militârs; intal periodi jenfri lis dôs vueris il Fuart al è stât doprât come depuesit di materiâl militâr traspuartât des casermis di Udin fintremai al Invier dal 1944-1945, cuant che al è stât ocupât dai partesans.
Il progjet di recupar al à permetût un gnûf ûs dai spazis intal rispiet des carateristichis storichis-architetonichis dal edifici.
Al plantiere a son stadis disponudis dôs salis conferencis e une straordenarie esposizion permanente su la architeture fortificade de Grande Vuere in Friûl.


Fuart Cuel Roncon
Rivis Darcjan
Par informazions: Comun di Rivis Darcjan - tel. 0432 809711  - segreteria@com-rive-d-arcano.regione.fvg.it


--------------------------------------------------------------------------------

To top

SANT DENÊL

GUARNERIANE, la plui antighe biblioteche de Regjon

Intal ex Palaç Comunâl dal Cuatri-Cinccent e je logade la famose “Guarneriane”, la plui antiche biblioteche publiche dal Friûl, nassude intal 1466 par lassit di chel grant umanist che al è stât Guarnerio d’Artegna. Ai 160 codiçs iniziâi a son stâts zontâts altris preziôs volums, soredut i miârs che intal 1734 al à donât il santdenelin Giusto Fontanini.
Tra i codiçs, un riclam particolâr e merte une Divine Comedie dal XIV secul che e conten dut l’Infier e i prins trê cjants dal Purgatori, inricjîts di cetantis iniziâls miniadis che a ripetin puntualmentri chês realizadis di un miniaturist florentin intune Divine Comedie conservade a Parîs.

Biblioteche Guarneriane
Sezion antighe
Vie Rome, 1 – Sant Denêl
Sezion moderne
Vie Rome, 10 – Sant Denêl
Tel: 0432 946560
e-mail: info@guarneriana.it
sît internet: www.guarneriana.it

Oraris di vierzidure:
di martars a vinars 9.00-12.00 e 14.30-18.15
sabide 9.00-12.00
Visitis guidadis dome su apontament



MUSEU DAL TERITORI
Il museo al è logât, dal 1981, al prin plan dal claustri dal ex convent dal XVI secul dai Paris di Sant Domeni, che dal 1800 al 1976 al à ospitât l’ospedâl di Sant Denêl.
Il museu al è struturât in chestis sezions: archeologjie, etnografie, sculture su len e su piere, piture.

Museu dal Teritori
Vie Udin, 1 – Sant Denêl
Tel. 0432 946511 (Comun di Sant Denêl)
sît internet: www.museosandaniele.it

Oraris di vierzidure:
INVIER (di Otubar a Mai): vinars/sabide 9.30-12.30; domenie 14.30-18.00
ISTÂT (di Jugn a Setembar): vinars/sabide 9.30-12.30; domenie 10.00-12.30 e 14.30-18.00
In altris dîs su prenotazion.
Par visitis guidadis: tel. 0432 954484 – 954934
Jentrade: intîr Euros 3,00 - ridot Euros 2,00 – a gratis fin a 6 agns


SALE ESPOSIZION CIMELIS STORICS MILITÂRS
La esposizion e je logade inte sugjestive cjase dal Tresinte, che une volte e ospitave il Banc dai Pegns, li che cumò e à sede la Associazion Nazionâl Alpins che e à racuelt e ordenât cun cure i cimelis militârs apartignûts ai components dal grup, creant cussì un interessant museu dai alpins.

Sale esposizion cimelis storics militârs
Vie Rome, 18 – Sant Denêl
Tel. 0432 954350 - fax 0432 943820
Vierzidure daûr domande
Jentrade libare


--------------------------------------------------------------------------------

To top

TREP GRANT

MUSEU DES FORNÂS
Il Comun di Trep Grant, te suaze dal progjet “Tiere, arzile e teritori – simposi di sculture e arts visivis”, sabide ai 17 di Otubar dal 2010 al à screât il gnûf “Museu des Fornâs”.
Il museu al conte cun reperts e fotografiis la storie e la culture des fornâs che a àn vût une fondamentâl impuartance inte struture dal nestri teritori.
Pal moment il museu al à cjatât puest in Place Marconi 7, in face dal Palaç dal Municipi, spietant une colocazion plui comude e definitive a Zeà cuant che il sît des fornâs al sarà ristruturât.

La gnove realtât museâl si pues visitâ cun chescj oraris:
miercurs 10.00-12.00
sabide 9.30-12.30
ogni prime domenie dal mês 10.00-12.00

Altris vierziduris su prenotazion (Municipi, tel. 0432 960147 int. 6)
Jentrade libare

Par informazions e prenotazions
Comun di Trep Grant
tel: 0432 960147 int. 6
fax: 0432 961692
mail: museo.delle.fornaci@com-treppo-grande.regione.fvg.it
sît: www.museodellefornaci.it


--------------------------------------------------------------------------------

To top