Furlan

Rassegne teatrâl pai fruts e lis fameis intai Teatris dal Circuit ERT

Contâ e contâsi.
Di culì e partìs la stagjon 2012/2013 di PICCOLI PALCHI, la rassegne dedicade aes fameis intai teatris dal Circuit ERT.
Contâ storiis cu la vôs, cul mot, cu la musiche, cui ogjets al è ce che il teatri al fâs. Ma ancje ce che il teatri al è. Un lûc, un spazi fisic che al cjape dentri lis storiis, lis fâs vivi, lis cree e, sperìn, lis ispire.
Storiis par grancj e par piçui.
Storiis par ducj, cetant necessariis, parcè che a son il mût plui naturâl par contâsi e capî il propri mont.
Il teatri, come lûc fisic dulà che si jentre, si esplore, si discuvierç; un lûc fat di spazis disponibii ae conte. Un spazi fisic diferent, fat di puescj e nons no solits e platâts tant che: il foyer, la platee, lis galariis...
Spazis che Ents e Associazions, cun entusiasim, lavôr e risorsis, a metin a disposizion dal “PiçulPublic” insiemi cul ERT.
A son i Comuns di Aquilee, Dartigne, Codroip, Glemone, Tisane, Listize, Monfalcon, Premariâs, San Vît dal Tiliment, Tumieç e la Comunitât Culinâr dal Friûl cui Comuns di Buie, Feagne, Maian e San Denêl.
Un impegn impuartant, pes fameis e la infanzie che a partecipin ancje la Fondazione Cassa di Risparmio di Udine e Pordenone, la Provincie di Udin e il LaREA Laboratori di Educazion Ambientâl de ARPA FVJ.
Piccolipalchi e je une rassegne dal Ent Regjonâl Teatrâl dal Friûl Vignesie Julie realizade cu la colaborazion e il sosten di
Comuns aderents
Fondazione Cassa di Risparmio di Udine e Pordenone
ARPA FVJ – Laboratori Regjonâl di Educazion Ambientâl