Furlan

Look! Une cuc sul mont

Si è davuelt jenfri la fin dal 2011 e il 2012 il progjet “Look” Aventuris tra suns e imagjins”, prin cicli di laboratoris artistics, promovûts dal Progjet Integrât Culture dal Medi Friûl e dal Servizi Associât Culture de Comunitât Culinâr, in colaborazion cun Aracon Cooperative Sociâl di Udin.

La iniziative, dedicate ai zovins des scuelis superiôrs di dut il comprensori, al à puartât ae realizazion di cuatri percors, ognidun componût di un laboratori di produzion musicâl cul computer e di un laboratori video, in cinc comuns dai doi comprensoris teritoriâi, che a si son sierâts cun event publics indreçâts ae citadinance.

I laboratoris a si son disvilupâts in paralêl partint dal teme de identitât esprimude par mieç dal sun e de imagjin: movintsi de relazion che in gjenerâl e lee un particolâr stîl musicâl e a acompagnât i zovins viers la composizion di un toc doprant un sempliç software audio; parie il laboratori video al à tratât il valôr enunciatîf dal videoclip musicâl, par rivâ al insegnament di cognossincis teorichis e pratichis che i partecipants a àn podût doprâ inte realizazion di un curtmetraç.

Tant che diari virtuâl, ducj i materiâi prodots vie pai incuintris a son stâts publicâts di man in man sul sît internet dedicât al progjet.
Pal Medi Friûl a son stâts coinvolts i comuns di Basilian, Rivignan e Bertiûl; intal comprensori culinâr il progjet “Look” si è davuelt a Mels di Colorêt e San Denêl. Il Cjistiel di Colorêt al à daspò ospitât l’event finâl dal progjet, cu la proiezion dai videos realizâts.

Altris informazions sul blog http://progettolook.blogspot.it/